Y Nhw
Theatr. Cerddoriaeth. Symud. Sgwennu. Dylunio. Storïo... mae mwy nag un ffordd o greu yma.
Mae Cwmni Ifanc Frân Wen yn rhoi cyfle i greu, perfformio, arbrofi, mentro a chael hwyl yn Nyth, Bangor, cartref Frân Wen ac un o ofodau creadigol mwyaf cyffrous Cymru.
Fel aelod bydd cyfle i:
- Datblygu sgiliau perfformio a chreu
- Rhoi cynnig ar syniadau newydd
- Gweithio gydag artistiaid proffesiynol
- Creu gwaith gwreiddiol gyda phobl ifanc eraill
- Darganfod mwy am wahanol elfennau o greu theatr
- Magu hyder a gwneud ffrindiau
- A chael lot fawr o hwyl!
O chwarae ac arbrofi am y tro cyntaf, i greu cynhyrchiad theatr llawn ochr yn ochr ag artistiaid proffesiynol, mae pob Cwmni yn cynnig profiad gwahanol, gyda’r uchelgais a’r cyfleoedd yn tyfu wrth symud ymlaen.
① Cwmni Ifanc 1: Chwarae (bl5-bl6)
- Bob nos Fawrth yn ystod tymor ysgol rhwng 4pm - 5pm.
- Tymor 1: 29 Medi - 1 Rhagfyr 2026. Tymor 2: 12 Ionawr - 16 Mawrth 2027. Tymor 3: 6 Ebrill - 3 Gorffennaf 2027.
- Sesiynau creadigol fydd yn archwilio perfformio, storïo, symud, cymeriadau a gwneud theatr mewn awyrgylch hwyliog a chefnogol.
- Sut i gofrestru
② Cwmni Ifanc 2: Creu (bl.7-9)
- Bob nos Fawrth yn ystod tymor ysgol rhwng 5pm - 6.30pm.
- Tymor 1: 29 Medi - 1 Rhagfyr 2026.
Tymor 2: 12 Ionawr - 16 Mawrth 2027.
Tymor 3: 6 Ebrill - 30 Gorffennaf 2027. - Bydd dyddiadau ac ymarferion estynedig ar gyfer y cynhyrchiad rhwng 24 - 30 Gorffennaf i’w cadarnhau.
- Gweithio gyda thîm o artistiaid proffesiynol i greu cynhyrchiad theatr llawn.
- Sut i gofrestru
③ Cwmni Ifanc 3: Mynd Amdani (bl.10-11)
- Bob nos Fawrth yn ystod tymor ysgol rhwng 7pm - 9pm.
- Tymor 1: 29 Medi - 1 Rhagfyr 2026.
Tymor 2: 12 Ionawr - 16 Mawrth 2027.
Tymor 3: 6 Ebrill - 30 Gorffennaf 2027. - Bydd dyddiadau ac ymarferion estynedig ar gyfer y cynhyrchiad rhwng 24 - 30 Gorffennaf i’w cadarnhau.
- Mwy o gyfle i herio a datblygu wrth weithio ochr yn ochr â thîm artistig proffesiynol i greu cynhyrchiad theatr llawn.
- Sut i gofrestru
Y gost?
Ond ‘da ni ddim eisiau i gost fod yn rhwystr i neb. Mae bwrsariaethau ar gael i deuluoedd incwm isel.
Cysyllta â cifw@franwen.com am ragor o wybodaeth. Bydd unrhyw sgwrs am gymorth ariannol yn cael ei thrin yn gyfrinachol.
Lle mae Cwmni Ifanc yn cyfarfod?
Mae pob Cwmni Ifanc yn cyfarfod yn Nyth, Bangor, cartref Frân Wen.
Ond mae Nyth yn llawer mwy na lle i ddod am awr neu ddwy bob wythnos.
Dyma lle mae artistiaid yn ymarfer. Lle mae sioeau’n cael eu creu. Lle mae syniadau newydd yn cael eu profi. Lle mae cynulleidfaoedd, pobl ifanc, artistiaid a chymunedau yn dod at ei gilydd.
Mae’n le llawn creadigrwydd a chariad.Aelod Cwmni Ifanc '25/26
Popeth sydd angen ei wybod
‘Da ni eisiau i Gwmni Ifanc fod yn brofiad creadigol, hwyl a chroesawgar i bawb. Dyma ychydig o wybodaeth am beth i’w ddisgwyl:
Nac oes.
Does dim angen bod wedi perfformio o’r blaen nac wedi bod yn rhan o gwmni theatr.
Yr hyn sy’n bwysig yw fod yn chwilfrydig, yn barod i roi cynnig ar bethau newydd ac eisiau creu gyda phobl eraill.
Mae Cwmni Ifanc yn cyfarfod yn wythnosol ac mae pob grŵp yn datblygu gyda’i gilydd dros y flwyddyn.
Er mwyn i bawb gael y mwyaf o’r profiad, ‘da ni’n gofyn i aelodau ymrwymo i ddod i’r sesiynau mor gyson â phosib.
Bydd lefel yr ymrwymiad yn cynyddu ar gyfer Cwmnïau Ifanc 2 a 3 wrth iddyn nhw weithio tuag at gynhyrchiad. Mae’n bosib y bydd ymarferion ychwanegol wrth nesáu at y perfformiadau, a byddwn yn rhannu’r dyddiadau yma mor bell ymlaen llaw â phosib.
Does dim dwy sesiwn yr un fath.
Un wythnos mi fydd y ffocws ar symud; yr wythnos wedyn yn gweithio gyda sgript, creu cymeriad, sgwennu, gwneud cerddoriaeth neu ddyfeisio syniad newydd gyda’r grŵp.
Mi fyddwch yn gweithio gyda phobl eraill yn aml, yn gwrando ar syniadau ac yn cyfrannu.
Weithiau gall Nyth fod yn lle prysur, swnllyd ac egnïol wrth i bawb greu.
Mae Cwmni Ifanc yn cael i gynnal drwy gyfrwng y Gymraeg.
Mae croeso mawr i siaradwyr Cymraeg, siaradwyr newydd a dysgwyr.
Does dim rhaid i dy Gymraeg di fod yn berffaith.
Bydd ein tîm yno i gefnogi a helpu i deimlo’n hyderus i ddefnyddio’r Gymraeg wrth greu.
Mae Cwmni Ifanc yn lle i fod yn fentrus, chwilfrydig a chreadigol ond hefyd yn lle lle ‘da ni’n gofalu am ein gilydd.
‘Da ni’n gofyn i bob aelod:
- Drin pobl eraill gyda pharch
- Bod yn agored i syniadau a phrofiadau pobl eraill
- Bod yn barod i gydweithio
- Cyfrannu at greu awyrgylch caredig a chefnogol
- Dod â’u chwilfrydedd, egni a syniadau gyda nhw
Am fwy o wybodaeth neu sgwrs anffurfiol am ein Cwmni Ifanc cysyllta gyda Elgan ar 01248 715048 neu e-bostia elgan@franwen.com.
Dyma enghraifft o'u sioeau diweddaraf...
Cyn Iddi Nosi
Carreg Ateb: Vision or Dream?
