Mae CIFW yn gwmni theatr sy’n cael ei yrru gan bobl ifanc gogledd-orllewin Cymru.
Maen nhw’n cyfarfod yn wythnosol i:
- Greu, cynhyrchu a rhannu theatr ochr yn ochr ag artistiaid proffesiynol ysbrydoledig.
- Datblygu eu celf unigryw trwy weithdai rhannu sgiliau a dosbarthiadau meistr gyda gwneuthurwyr theatr blaenllaw.
- Ymweld â theatrau arloesol ar draws y DU, i brofi’r theatr fwyaf perthnasol a beiddgar.
- Chwarae rhan ganolog ym mhenderfyniadau, rhaglennu a llywodraethu Frân Wen.
Mae holl waith y Cwmni Ifanc yn bwydo mewn i'n rhaglen artistig.
Mae'r cwmni wedi ei rannu mewn i dri:
CIFW 1 (bl6 - bl7) - cyflwyniad i sgiliau theatr amrywiol, gyda rhaniad anffurfiol ar ddiwedd tymor.
CIFW 2 (bl8 - bl10) - datblygu gwaith newydd, gan arwain at rannu darn-mewn-datblygiad yn ein digwyddiad Sgratsh.
CIFW 3 (bl11 - bl13 / 16-18 oed) - cyd-greu cynhyrchiad theatr gydag artistiaid proffesiynol.
Cefnogir Cwmni Ifanc 1, 2 a 3 gan Lywodraeth y DU drwy Gronfa Ffyniant Gyffredin y DU.
ENGHREIFFTIAU O'U GWAITH
CREU THEATR
FAUST + GRETA
Wedi'i ddyfeisio a'i berfformio gan ensemble o bobl ifanc yng nghanol y cyfnod clo, dyma brofiad theatrig digidol roedd yn delio â'r obsesiwn dynol o angen mwy o bopeth, angen pŵer a gwthio ffiniau i'r eithafion.
