Wrth dy fodd efo sain, goleuo, taflunio, rheoli llwyfan?
Awchu i ddysgu mwy am y byd cefn llwyfan?
Mae Cwmni Ifanc: Tech yn gyfle gwych i bobl ifanc rhwng 16 a 21 oed i ddatblygu eu hunain fel arbenigwyr cefn llwyfan y theatr a chael cyfle i weithio ochr yn ochr ag artistiaid proffesiynol sy’n rhan o raglen artistig y cwmni.
Mae’r criw yn cyfarfod er mwyn:
Datblygu sgiliau technegol gan arbenigwyr proffesiynol
Derbyn mentoriaeth 1-i-1 gan dîm cynhyrchu Frân Wen, Alys Robinson (Rheolwr Llwyfan y cwmni) a Lewis Williams (Rheolwr Technegol a Cynhyrchu y cwmni)
Cysgodi a dysgu ar waith yn ystod wythnosau technegol ein cynyrchiadau
Derbyn mynediad i arbrofi gyda offer technegol yn Nyth, Bangor
Mae’r rhaglen yn rhan o deulu Cwmni Ifanc, sydd hefyd yn cynnwys Cwmni Ifanc: Sgwennu a Chwmni Ifanc Frân Wen, sy’n canolbwyntio ar berfformio.
PRYD?
Mae’r criw yn cyfarfod 4 diwrnod y tymor.
Clicia ar y linc hwn am restr o’r holl ddyddiadau.
Rydym yn gofyn am ymrwymiad i’r holl dyddiadau, gyda ychydig iawn o hyblygrwydd yn bosib yn ddibynnol ar amgylchiadau.
BLE?
Nyth, Ffordd Garth, Bangor, LL57 2RW ac/neu mewn canolfannau theatr pan yn cysgodi ymarferion technegol cynyrchiadau.
COST?
£25 y tymor.
Mae bwrsariaeth ar gael i gefnogi unigolion incwm isel - am fwy o wybodaeth cysylltwch gyda cifw@franwen.com.
Mae Cwmni Tech Ifanc yn cael ei gynnal drwy gyfrwng y Gymraeg a rydym yn croesawu siaradwyr Cymraeg newydd. Byddwn yn darparu cefnogaeth i helpu aelodau deimlo’n hyderus.
DIDDORDEB YMUNO?
Dyddiad cau ar gyfer cofrestru ydy Dydd Gwener 31 Gorffennaf.
Os hoffet sgwrs anffurfiol am ein Cwmni Ifanc: Tech, cysyllta drwy Facebook/Instagram neu:
☎️ 01248 715 048
📧 cifw@franwen.com
📍 neu tyd i Nyth am sgwrs
