Dyma'n gwefan BETA newydd sydd dal yn cael ei brofi. Rhowch wybod be' chi'n feddwl!
Dyma’r parti sy’n newid ei byd am byth.
Mae Josie yn darganfod parti hudolus o dan y dŵr sy'n well nag unrhyw barti dynol erioed. Mae'n fyd lle mae’n darganfod ei gwir hunan - ac Imrie Sallow.
Uwchben y dŵr, mae hi ar goll mewn byd lle nad yw’n perthyn, â chwaer sydd eisiau iddi fod yn 'hapus a normal'. Ond yng nghysgodion y byd arallfydol daw cyfrinach teuluol i’r wyneb sy’n newid popeth.
Wedi ei ysgrifennu gan Nia Morais (Crafangau / Claws, A Midsummer Night’s Dream gan Theatr y Sherman), mae Imrie yn stori i oedolion ifanc am obaith a dewrder.
Cyfarwyddwyd gan Gethin Evans (Woof, Ynys Alys, Galwad).
TAITH
- Theatr y Sherman, Caerdydd 11 - 20 Mai
- Canolfan Celfyddydau Pontardawe 23 Mai
- Canolfan Celfyddydau Aberystwyth 24 Mai
- Galeri, Caernarfon 25 - 26 Mai
- Theatr Clwyd, Wyddgrug 6 Mehefin
- Pontio, Bangor 7-8 Mehefin
- Torch, Aberdaugleddau 10 Mehefin
- The Riverfront, Casnewydd 14 Mehefin
- Yr Egin, Caerfyrddin 15 Mehefin
- Canolfan Garth Olwg, Pontypridd 16 Mehefin
Y DRAMODYDD
Daeth Nia Morais i’r amlwg fel un o leisiau mwyaf cyffrous y theatr Gymeig yng nghanol y pandemig gan ryddhau ei drama gyntaf Crafangau fel rhan o gyfres sain Theatr y Sherman, Calon Caerdydd, ac fe’i llwyfannwyd yn ddiweddarach mewn perfformiadau awyr agored. Mae hi bellach yn Awdur Preswyl yn Theatr y Sherman, ac yn dilyn ei gwaith yn addasu A Midsummer Night’s Dream i’r Gymraeg ochr yn ochr â Mari Izzard.
