Imrie

Dyma’r parti sy’n newid ei byd am byth.

Mae Josie yn darganfod parti hudolus o dan y dŵr sy'n well nag unrhyw barti dynol erioed. Mae'n fyd lle mae’n darganfod ei gwir hunan - ac Imrie Sallow.

Uwchben y dŵr, mae hi ar goll mewn byd lle nad yw’n perthyn, â chwaer sydd eisiau iddi fod yn 'hapus a normal'. Ond yng nghysgodion y byd arallfydol daw cyfrinach teuluol i’r wyneb sy’n newid popeth.

Wedi ei ysgrifennu gan Nia Morais (Crafangau / Claws, A Midsummer Night’s Dream gan Theatr y Sherman), mae Imrie yn gynhyrchiad Cymraeg i oedolion ifanc am obaith a dewrder.

Mae Imrie yn gyd-gynhyrchiad gyda Theatr y Sherman, a chyfarwyddwyd gan Gethin Evans (Woof, Ynys Alys, Galwad).

Gyda chapsiynau Saesneg a Cymraeg ym mhob perfformiad, gall dysgwyr Cymraeg, siaradwyr Cymraeg newydd a’r di-Gymraeg ddilyn y sioe drwyddi draw.

Canllaw oedran: 13+

Hyd y perfformiad: 70 munud

TAITH

Theatr y Sherman, Caerdydd 11 - 20 Mai*
Canolfan Celfyddydau Pontardawe 23 Mai
Canolfan y Celfyddydau Aberystwyth 24 Mai*
Galeri, Caernarfon 25 Mai
Theatr Clwyd, Wyddgrug 6 Mehefin
Pontio, Bangor 7-8 Mehefin*
Theatr Torch, Aberdaugleddau 10 Mehefin
The Riverfront, Casnewydd 14 Mehefin
Yr Egin, Caerfyrddin 15 Mehefin
Canolfan Garth Olwg, Pontypridd 16 Mehefin

*Perfformiadau sain ddisgrifio ac Iaith Arwyddion Prydeinig

Theatr byw bwerus wnaiff byth eich gadael.

Entertainment South Wales

prynwch

sgript imrie

Mwy

Beth allwch chi ei ddisgwyl gan Imrie?

Mae Imrie yn stori hudolus am obaith, hunaniaeth a’r hyn mae’n ei olygu i fod ar y tu allan. Gyda dyluniad set trawiadol, a cherddoriaeth bwerus, cewch eich cludo i fyd arall wrth i ni ddilyn dwy chwaer ar daith o hunanddarganfyddiad. Dyma waith amrwd a gonest yn Gymraeg, sy’n archwilio themâu cyffredin drwy lens hudolus.

‘Sgwennu newydd yn y Gymraeg

Daw Nia Morais â’i drama lawn gyntaf i’r llwyfan ar ôl iddi gyd-ysgrifennu elfennau Cymraeg A Midsummer Night’s Dream gyda Mari Izzard yn yr hydref. Mae llais cyfoes Nia yn cyfuno disgrifiadau telynegol â deialog Gymreig fodern.

Clasur o stori am dyfu i fyny

Mae stori fythol, hyfryd Nia Morais yn ymwneud â hunaniaeth, beth mae’n ei olygu i ffitio i mewn a beth mae’n ei olygu i fod yn gyfforddus gyda phwy ydych chi, a’i gofleidio.

Pwy fydd yn mwynhau Imrie?

Bydd cynulleidfaoedd o bob oedran, o oedolion ifanc i rhai hŷn, yn cael eu swyno gan Imrie. Bydd yn apelio at unrhyw un sy’n mwynhau ffuglen i oedolion ifanc neu gwaith ysgrifennu newydd pwerus ar gyfer y llwyfan.

Does dim rhaid i chi siarad Cymraeg i fwynhau Imrie

Gyda chapsiynau Saesneg ym mhob perfformiad, gall siaradwyr newydd a rhai di-Gymraeg ddilyn y sioe drwyddi draw.

Cerddoriaeth gan Eädyth Crawford

Mae'r cynhyrchydd cerddoriaeth bop soul electronig / canwr-gyfansoddwr wedi cyfansoddi sgôr newydd arbennig ar gyfer y cynhyrchiad hwn.

Wyddoch chi?

Mae Imrie yn benllanw cyfnod hir o gydweithio gyda Nia wedi iddi ddatblygu’r ddrama fel rhan o Gynllun Datblygu Artistiaid rhyngom ni ag Eisteddfod Genedlaethol Cymru gyda chefnogaeth Llenyddiaeth Cymru yn 2021. Enw gwreiddiol y ddrama oedd Dŵr Dwfn.

Roedd Croendena, ein cynhyrchiad diwethaf gan Mared Llywelyn a deithiodd yng Ngwanwyn 2023, yn gynnyrch o’r un rhaglen ddatblgyu.