Rydym yn falch i gyhoeddi cyfleodd newydd i bobl ifanc archwilio byd theatr i ffwrdd o oleuadau'r llwyfan.

Os ydych chi am ddatblygu eich llais creadigol neu'n awchu i ddysgu mwy am y byd cefn llwyfan, dyma'r cyfle perffaith i chi:

Mae Cwmni Ifanc: Sgwennu yn gyfle arbennig i bobl ifanc rhwng 16 a 21 oed ddatblygu eu hunain fel awduron theatr y dyfodol.

Mae Cwmni Ifanc: Tech yn gyfle gwych i bobl ifanc rhwng 16 a 21 oed i ddatblygu eu hunain fel arbenigwyr cefn llwyfan y theatr a chael cyfle i weithio ochr yn ochr ag artistiaid proffesiynol sy’n rhan o raglen artistig y cwmni.

Mae’r ddwy raglen yn cynnig mentora, hyfforddiant, profiad ymarferol, datblygu sgiliau a mwy!

Does dim angen profiad blaenorol, dim ond y brwdfrydedd i ddysgu a chreu.

Barod i gymryd rhan?