Y Stiwdio Lles

Gofod croesawgar i helpu oedolion ifanc

Eisiau dod i nabod pobl newydd? Eisiau adeiladu hyder a hwb i dy lesiant? Eisiau rhoi cynnig ar rhywbeth creadigol?

Mae’r Stiwdio Lles yn cynnig gofod croesawgar i oedolion ifanc rhwng 18-30 oed gymryd rhan mewn sesiynau creadigol efo cerddorion, artistiaid, ‘sgwennwyr a pherfformwyr i helpu ddelio gyda gorbryder, diffyg hyder, anhawster cymdeithasu ac / neu unigrwydd.

Mae’r sesiynau yn ddwyieithog (Cymraeg a Saesneg), yn anffurfiol ac am ddim, ac yn digwydd yng nghartref Frân Wen yn Nyth, Bangor.

Beth yw’r weithgaredd?

Mae’r Stiwdio Lles yn cynnig dau weithgaredd gwahanol:

Sesiynau galw-heibio sy’n ddwy awr o hyd, ac mae croeso i chi fynychu un neu ddau sesiwn, neu pob un.

Sesiynau Galw Heibio’r Hydref: 7 Hydref 2026 - 25 Tachwedd 2026
Sesiynau Galw Heibio’r Gwanwyn: 20 Ionawr 2027 - 10 Mawrth 2027
Sesiynau Galw Heibio’r Haf: 7 Ebrill 2027 - 26 Mai 2027

Sesiynau penwythnos sy’n ddau ddiwrnod o hyd, lle bydd cyfle i fynychu dydd Sadwrn a dydd Sul llawn.

Penwythnos 1: 5 Rhagfyr 2026 - 6 Rhagfyr 2026
Penwythnos 2: 20 Mawrth 2027 - 21 Mawrth 2027
Penwythnos 3: 5 Mehefin 2027 - 6 Mehefin 2027

Bydd yr holl sesiynau yn cael eu hwyluso gan yr artistiaid proffesiynol Casi Wyn, Mirain Fflur, Robin Edwards, Mari Gwent, Leo Drayton ac Eli Williams.

Pa bryd mae’n digwydd?

Clicia ar y linc hwn ar gyfer amserlen tymor cyntaf Y Stiwdio Lles.

Sut i gofrestru?

Clicia ar y linc hwn er mwyn cwblhau ffurflen i gofrestru dy le.

Nifer cyfyngedig o lefydd ar gael felly cyntaf i’r felin!

Os oes gennych unrhyw anghenion mynediad wrth gwblhau ffurflen gofrestru, cysylltwch gyda’r manylion cyswllt isod am gefnogaeth.

Ein hartistiaid ar gyfer 2026...

Eli Williams

Mae Eli yn artist symudiad a gweledol sy'n archwilio'r corff, creadigrwydd a dilyn greddf.

Mae hi'n gofalu am ei lles ei hun drwy ioga, symud, bod yn yr awyr agored, creu pethau creadigol a dod o hyd i eiliadau o dawelwch.

Robin Edwards

Mae Robin yn artist sain, cerddor a chynhyrchydd cerddoriaeth - mae ei waith yn aml cael ei ysbrydoli gan synau amgylcheddol a natur.

Iddo fo, mae lles yn golygu daioni.

Mirain Fflur

Mae Mirain yn actor ac yn artist sy’n defnyddio sawl cyfrwng er mwyn creu theatr a ffilmiau, mae celf weledol ar synhwyra yn rhan bwysig iawn o'i gwaith wrth iddi greu.

Mae'r gallu i deimlo’n fodlon ac i deimlo fod rhyddid mewn diwrnod i ddychmygu yn bwysig iddi hi.

Mari Gwent

Mae Mari’n artist cymunedol aml-gyfrwng sy’n defnyddio cyfryngau cymysg i greu propiau, cerfluniau a murluniau tri dimensiwn. Mae’n cael ei hysbrydoli i ddatblygu syniadau wrth gydweithio’n greadigol gyda chymunedau o bob oed a chefndir.

Mae hi'n gwbl angerddol dros ddatblygu’r cysylltiad cryf sydd rhwng creadigrwydd a llesiant, o ganlyniad i weithio ar nifer o brosiectau celf er budd iechyd a lles unigolion a’u cymunedau.

Casi Wyn

Mae Casi yn gantores a chyfansoddwraig o Fangor. Hi oedd Bardd Plant Cymru 2021 - 2023 ac mae hi wedi cyfansoddi cerddoriaeth ar gyfer Cerddorfa Genedlaethol y BBC yng Nghymru a Chwmni Dawns Cenedlaethol Cymru.

Mae hi'n gofalu am ei lles ei hun drwy ganu, buddsoddi mewn ffrindiau da a bwyta ffrwythau.

Leo Drayton

Mae Leo yn ysgrifennwr yn bennaf sy’n gweithio mewn theatr.

I fo, lles yw’r ansawdd bywyd rydym ni gyd yn haeddu; i fod yn cyfforddus ac yn fodlon dim waeth beth sydd yn digwydd o'n cwmpas.

Mae Y Stiwdio Lles yn brosiect sy’n bartneriaeth rhwng Celfyddydau Cymunedol Cyngor Gwynedd, cwmni theatr Frân Wen, a gyda chefnogaeth Ysgol Feddygol Prifysgol Bangor, Mantell Gwynedd, Coleg Menai, Hwb Dinas Bangor a Meddygfa Bodnant Bangor.

Cefnogir y prosiect gan Rhaglen Loteri Celfyddydau, Iechyd a Lles Cyngor Celfyddydau Cymru.

Adroddiad Gwerth Cymdeithasol Stiwdio Lles

pdf, 1.563 MB

Download Adroddiad Gwerth Cymdeithasol Stiwdio Lles