Cyfle gwych i weithio gydag arbenigwyr cefn llwyfan gorau’r diwydiant
Penwythnos sesiynau meistr arbennig - AM DDIM!
Rydym yn falch o rannu bydd Penwythnos Sesiynau Meistr Tech arbennig yma yn Nyth, ar y 15fed a'r 16eg o Chwefror 2025, 10yb-4yh.
Dyma gyfle gwych i gael blas ar gynllunio goleuo, sain a sut i reoli llwyfan - ac mi fydd yn brofiad ymarferol yn cydweithio gydag arbenigwyr i 'techio' darn o theatr gydag actorion proffesiynol.
Mae'r penwythnos yn rhan o'n rhaglen Cwmni Ifanc: Tech sy'n cynnig profiadau arbennig i bobl ifanc gyda diddordeb yn y byd cefn llwyfan.
Mae hwn yn gyfle i unrhyw un rhwng 14 a 25 mlwydd oed, ac mae AM DDIM.
Bydd y sesiynau yn cael eu cyflwyno drwy Gymraeg ond rydym yn croesawu siaradwyr Cymraeg newydd a fyddwn yn darparu digon o gefnogaeth i’ch helpu i deimlo’n hyderus.
SUT I GOFRESTRU?
Llenwa'r ffurflen yma ar-lein i gofrestru.
Nifer cyfyngedig o lefydd ar gael felly cyntaf i’r felin!
EISIAU GWYBOD MWY?
Os hoffet ti gael sgwrs cyn cofrestru, ffonia Elgan Rhys ar 01248 715048 neu cysyllta dros ebost elgan@franwen.com
Cefnogir Cwmni Ifanc Tech gan Lywodraeth y DU drwy Gronfa Ffyniant Gyffredin y DU.
YR ARBENIGWYR
ANGHARAD MAIR DAVIES
Rheolwr Llwyfan
Mae Angharad wedi rheoli llwyfannau ledled y byd.
Fe ymunodd Angharad á Theatr Genedlaethol Cymru (Theatr Cymru) yn 2011 fel Cynorthwyydd Cynhyrchu, dros yr 12 mlynedd bu'n Ddirprwy Rheolwraig Llwyfan , yn Rheolwraig Llwyfan ag yn Bennaeth Cynhyrchu gyda'r cwmni nes 2023. Mae hi wedi bod yn Rheolwr Cyffredinol ar Ganolfan S4C yr Egin dros y ddwy flynedd diwethaf.
CERI JAMES
Dylunydd Goleuo a Chynllunydd Taflunio
Yn un o ddylunwyr goleuo mwya' profiadol Cymru, mae ei waith diweddar yn cynnwys Skinners (Cwmni Dawns Cenedlaethol Cymru), Private Lives (Torch Theatre), a The Fight (Theatr na nÓg).
Mae dyluniadau Ceri hefyd wedi’u cyflwyno’n rhyngwladol, gan gynnwys cynyrchiadau yn Theatr Vaudeville Llundain, Tŷ Opera Sydney, a Sadler’s Wells.
DAN JONES
Peiriannydd Sain
Arbenigwr sain byw gyda dros 10 mlynedd o brofiad yn y diwydiant. Yn ogystal â gweithio ar gynyrchiadau theatr mae Dan wedi gweithio gyda'r cerddorion Sophie Ellis Bextor, Belinda Carlisle, Beverley Knight, Lulu, Midge Ure a Catrin Finch ac mewn digwyddiau byw fel Glastonbury.
Lewis Williams
Pennaeth Cynhyrchu
Lewis yw Pennaeth Cynhyrchu Frân Wen. Mae wedi arwain ar rai o sioeau mwya'r cwmni dros y 10 mlynedd diwethaf, gan gynnwys y sioe gerdd Branwen:Dadeni, Llyfr Glas Nebo ac yn fwy diweddar, Olion.
