Wrth ein bodd cyhoeddi ein Clwb Haf cyntaf erioed!

Mis Awst yma rydym yn agor drysau Nyth ar gyfer profiad creadigol cyffrous dros dridiau i bobl ifanc rhwng 7 a 12 oed..

O dan arweiniad Elis Pari a thîm o artistiaid proffesiynol, bydd Clwb Haf Frân Wen yn cynnig cyfle i blant neidio i fyd y ddrama, i archwilio’r grefft o ddyfeisio, ac i feithrin yr hyder i berfformio ar y llwyfan.

Er mwyn darparu ar gyfer gwahanol oedran, bydd y clwb wedi’i rannu’n ddau floc ar wahân. Bydd y sesiynau’n rhedeg yn ddyddiol o 10am tan 3pm, a chyfanswm y gost yw £60 am y tridiau llawn.

Dyddiadau

11 - 13 Awst
7-9 oed (Blwyddyn ysgol 3 a 4 mis Medi yma)

18-20 Awst
10–12 oed (Blwyddyn ysgol 5 a 6 mis Medi yma)

Nodir bod nifer cyfyngedig o lefydd ar gael felly cyntaf i’r felin!

Gallwch ddod o hyd i fwy o fanylion a sicrhau lle heddiw trwy ymweld â thudalen Clwb Haf Frân Wen.