Cylfe i ddatblygu sioe efo'r Eisteddfod
Rydym yn parhau i gydweithio gyda'r Eisteddfod i gefnogi artistiaid ifanc sydd yn awchu i ddatblygu sioe ymylol ar gyfer yr Eisteddfod.
Rydym yn chwilio am:
- Artistiaid rhwng 18 a 30 oed sy'n frwd am greu profiadau wedi'u teilwra ar gyfer gwyliau a gwaith awyr agored.
Gall hyn gynnwys:
Perfformiadau hyd at 60 munud o hyd.
Cynyrchiadau deinamig a symudol sy'n addas i'w perfformio ar draws leoliadau gwahanol
Technegau adrodd stori sy'n gwthio ffiniau
Dulliau rhyngddisgyblaethol sy'n cyfuno cerddoriaeth, symudiad a chelf gweledol
Cysyniadau llwyfannu arloesol y gellir addasu i amgylcheddau gwahanol
Elfennau rhyngweithiol sy'n ennyn ymgysylltu â'r gynulleidfa
Mae’r cynnig yma yn cynnwys preswyliad yn Nyth, cartref newydd Frân Wen, a phroses ddatblygu sy’n gyfle i ddatblygu sgiliau a derbyn mentoriaeth gan artistiaid proffesiynol ynghyd â llwyfan i rannu gwaith mewn datblygiad yn yr Eisteddfod yn 2025 cyn y potensial o gomisiwn llawn.
Bydd pum artist yn cael eu dethol ac yn derbyn cynhaliaeth i gymryd rhan mewn preswyliad a rhaglen datblygu sgiliau a mentoriaeth. Bydd pob artist yn cael eu cefnogi i ddatblygu pitsh gydag un syniad yn cael ei ddethol i broses gomisiynu yn 2025-2026.
Os oes gennych chi ddiddordeb yn y cynnig hwn, cysylltwch â ni ar ebost i rannu ychydig am eich hunan a pham bod y cyfle yma o ddiddordeb i chi ynghyd ag amlinelliad byr iawn am sioe ar gyfer yr Eisteddfod. Nid oes rhaid i'r cysyniad fod wedi ei ddatblygu yn llawn, mae'n daith y byddwn yn mynd arni gyda'n gilydd
Dyddiad cau: 28 Hydref 2024
Anfonwch eich cais at artist@franwen.com
I ddysgu mwy am y cyfle gwyliwch allan ein sesiwn rhannu gwybodaeth yng Nghaffi Maes B eleni!
Mae e-byst artist@franwen.com yn cael eu monitro gan Gethin Evans (Cyfarwyddwr Artistig), Nia Jones (Cyfarwyddwr Gweithredol), Ceriann Williams (Cynhyrchydd Cyswllt) ac Olwen Williams (Gweinyddwr).
Rydym wedi ymrwymo i sicrhau fod pawb yn gallu manteisio ar y cyfle. Wrth gofrestru diddordeb byddwch yn cael cyfle i nodi unrhyw anghenion mynediad.
Rydym yn gwmni sy'n creu gwaith yn y Gymraeg ac rydym yn croesawu ceisiadau gan siaradwyr a dysgwyr newydd.
