Sioe gerdd gan Gwmni Ifanc Frân Wen
Yn dilyn llwyddiant Sbri yn Eisteddfod Genedlaethol yr Urdd, Eryri 2012 a Sbri 2 yn Galeri yn 2014, dychwelodd y criw ifanc am y tro olaf i lwyfan Galeri (19 a 20 Rhagfyr 2016) gyda Sbri 3.
Wedi ei leoli mewn ysgol uwchradd ffuglennol, roedd y sioe yn frith o ganeuon Cymraeg poblogaidd gan fandiau megis Candelas, Bandana, Geraint Jarman, Caryl Parry Jones, Y Cyrff, Yws Gwynedd a Gwenno.
Yn y stori roedd criw o bobl ifanc yn ceisio trefnu parti gora'r flwyddyn - ond roedd un problem! Roedd y criw wedi’u diarddel o bob lleoliad gwerth chweil yn yr ardal.
Awdur: Beth Angell
Cyfarwyddwyr: Iola Ynyr, Gwennan Mair Jones a Mirain Fflur
Cyfarwyddwr Cerdd: Gethin Griffiths
Cynllunydd Set: Gwyn Eiddor
Coreograffi: Kim Noble
